Wildfire Pizzabar (已結業)

响杂志见到Wilefire做$99任食，之前食过呢间啲Pizza都做得几好，谂住任食咁抵一定要去试试。一去到个侍应净系问系咪要$99任食同问我地要乜嘢饮，问佢哋攞menu又冇人理我地，搞咗一轮先至知原来任食只限一款8寸pizza(辣肉肠pizza)，一款意粉(肉酱意粉)，同一款小食(鸡翼薯条)，仲以为每样最少有两三款可以拣。啲嘢食系ok，不过选择真系太少。门口系有写任食「指定食品」，不过「任食」呢两个字同杂志出稿嘅写法始终带有少少误导。讲下服务，班侍应礼貌就好一般，同见到附近枱有人一坐低order$99个任食，嘢食一样都未到另一个侍应就话要人last order，睇嚟D单都几混乱下。