赤丸製麵所 (已結業)

雖然我是青衣人，每日都經青衣城，但我第一次幫襯這間鋪時是幾年前剛開張時，條人龍誇張到不得了。不過個次吃過後給我的印象很差，徐烏冬及格外，其餘D配菜，湯底都唔得，跟着無去過。近日青衣城好多鋪裝修，無乜地方好揀，老公提出到這間食，既然唔駛排隊就俾多次機會佢。我們叫咗天婦羅軟殼蟹、燒靖魚烏冬和一個新出$95的蝦皇拉麵。本身對此鋪印象麻麻，一坐下見到放在枱面兩隻杯就唔開胃，呢度崩一忽個度崩一忽，跟着我就換隔離枱較好樣個隻杯用，兩個人共用一杯好了。天婦羅軟殼蟹：過不失，但應該配番個正確的名，炸軟殼蟹就是了，不用俾人說誤導。燒靖魚烏冬：味道ok，烏冬彈牙，但將燒過的靖魚放進湯裏，浸咗一輪，就吃不到燒的那種滋味了，應該將靖魚分碟上。$95的蝦皇拉麵：湯的顏色對版，湯有蝦味，賣相吸引，辣椒醬的辣味特別，不嗆口，一入口幾辣，但又不會辣到條脷好唔舒服。蝦湯伴均牛油和辣醬更好味。可惜！好可惜！主角蝦皇真喺唔得，size尚可接受，但並非鮮蝦，D肉仲霉霉哋，點解個主角會咁？碗麵$95嗰喎。這碗拉麵若配番質素好D嘅蝦都值$70。總括來說，俾我第一次食好得多了。