牛站(駅)麻辣火鍋放題

好耐冇嚟，差唔多6 點到，有3、4 成客，到8 點走嘅時候，已經有大約15-20 人等位。
個餐選左中價的$308/位，湯底要左香辣沙爹，好味濃，淥皇子麵好夾。
乳鴿、雞翼、糍粑熱辣辣而且保持到水準，牛板腱、封門柳都吾錯，炸魚片脆脆好食，油炸鬼變咗粒粒就好硬，芋頭貢丸味道怪怪，墨魚丸好粉，其他丸類也是一般。
甜點芝士蛋糕、脆脆奶凍、木糠布甸，楊枝甘露、燒仙草，都好食。榴連大福就冇乜味。
咖啡機，吾知系咪冇乜人飲，所以㩒出嚟嘅咖啡好苦，應該系好耐冇換咖啡粉或是質素問題，希望餐廳可以注意一下。
送食物及收碟員工勤快、態度吾錯。
整體來說，久不久去食下，都可以。