大家樂 (油麗商場)

营业中

休息中

今日點幾鐘掛了8號風球，未食lunch就趕住返屋企，迫到返黎已經3點，真係好肚餓，2條友搵地方醫肚，其實回家途中，好多餐廳都收左。真係好感謝大家樂所有員工，仍然為市民服務。最愛既炸雞肶咁岩賣曬，2個都好肚餓，咁我地就3個餐。沙嗲牛肉麵奶油豬＋熱奶茶，奶油豬如果可以熱D既就會好食好多，今日杯奶茶有點澀。燒鴨米＋紅豆冰，燒鴨有肉食，份量都夠，食得飽飽。西多士＋紅豆冰，呢個西多就真係有點失望，拎返黎搽牛油時都感覺到唔熱，因為牛油唔溶。切既時候有點硬，凍了的西多，或者會無咁熱氣，所以口感就麻麻，唔香口了。