影片
更多
2021-04-17
1244 浏览
雖然依家已經係春天 但係都無阻我打邊爐嘅心情😛呢日我同朋友就係尖沙咀搵到超抵食嘅台式一人一鍋有多種選擇 都只係每個餐$66!🤩.入座之後 店員會俾個qr code你自助落單夠晒方便衛生 價錢同點單狀況都一目了然.睇返個餐牌 主要有3個鍋可以選擇 分別係- 酸菜魚🐟- 藥饍醉雞鍋🐔- 自選火鍋而我地今次就食左酸菜魚同自選火鍋.🌟一人一鍋 酸菜魚午餐 ($66)酸菜魚酸辣適中 大部份人都會接受到而且仲有好多魚 件件都好大舊 仲係冇骨啖啖肉配埋薯粉真係絕配 完全吸晒湯底嘅精華 份量亦都好多 真係好抵食👍🏻.🌟一人一鍋 自選午餐 ($66)至於自選火鍋就可以係39個餸入面揀3個🍲總有野啱食 連食素嘅朋友都有得選擇而今次我地就揀左嫩滑鮮牛肉、煙腩片、午餐肉配沙嗲湯底公仔麵沙嗲湯底同韓國公仔麵非常夾風味媲美茶餐廳嘅沙嗲牛肉麵🤣而且牛肉好嫩滑 煙腩片肥瘦適中 我地都食得好滿意.🌟熱紅棗桂圓每個鍋都會附送一杯凍/熱飲呢個紅棗桂圓成個茶壺上🫖客人可以按自己嘅步伐添茶 真係好細心而且呢個飲品夠晒滋潤 好啱女士.🌟凍水果蜜桃茶另一杯我地就點左凍飲味道清甜 而且有好多西瓜同火龍果打邊爐嘅時候為你帶來清新嘅感
雖然依家已經係春天 但係都無阻我打邊爐嘅心情😛
呢日我同朋友就係尖沙咀搵到超抵食嘅台式一人一鍋
有多種選擇 都只係每個餐$66!🤩
.
入座之後 店員會俾個qr code你自助落單
夠晒方便衛生 價錢同點單狀況都一目了然
.
睇返個餐牌 主要有3個鍋可以選擇 分別係
- 酸菜魚🐟
- 藥饍醉雞鍋🐔
- 自選火鍋
而我地今次就食左酸菜魚同自選火鍋
.
🌟一人一鍋 酸菜魚午餐 ($66)
酸菜魚酸辣適中 大部份人都會接受到
而且仲有好多魚 件件都好大舊 仲係冇骨啖啖肉
配埋薯粉真係絕配 完全吸晒湯底嘅精華
份量亦都好多 真係好抵食👍🏻
.
🌟一人一鍋 自選午餐 ($66)
至於自選火鍋就可以係39個餸入面揀3個🍲
總有野啱食 連食素嘅朋友都有得選擇
而今次我地就揀左嫩滑鮮牛肉、煙腩片、午餐肉配沙嗲湯底公仔麵
沙嗲湯底同韓國公仔麵非常夾
風味媲美茶餐廳嘅沙嗲牛肉麵🤣
而且牛肉好嫩滑 煙腩片肥瘦適中 我地都食得好滿意
.
🌟熱紅棗桂圓
每個鍋都會附送一杯凍/熱飲
呢個紅棗桂圓成個茶壺上🫖
客人可以按自己嘅步伐添茶 真係好細心
而且呢個飲品夠晒滋潤 好啱女士
.
🌟凍水果蜜桃茶
另一杯我地就點左凍飲
味道清甜 而且有好多西瓜同火龍果
打邊爐嘅時候為你帶來清新嘅感覺
.
餐廳嘅環境一流 地方乾淨企理
而且大部分都是卡位 非常寛闊坐得好舒服
啱晒三五知己一邊食一邊吹水
店員又服務細心 用餐器具都齊備🍽️
所以就算係一人一鍋 大家都以share黎食~
张贴
