金記冰室 (已結業)

以前公司係數碼港，樓下有間金記冰室，幾乎日日早餐都係嗰度食。今日下晝要參加一個朋友嘅證婚，經過灣仔見到金記冰室，所以嗱嗱臨諗住食個快餐，點知有驚喜。因為疫情關係，鋪頭唔算多人，鋪頭裝飾都有啲老香港特色，原來金記已經開咗超過50年，以前日日食都唔知添...由於太多選擇，本身我叫咗焗豬扒飯，但係見到有酸菜豬膶泡飯，又叫店員改單，好彩冇令我失望，啲湯底好濃味，豬膶亦都好爽，加埋啲酸酸地嘅伴菜，明明諗住食個快飯，最後竟然食清仲飲晒啲湯朋友就叫咗個常餐，好邪惡嘅公仔麵 🙈🙈🙈茶餐廳周街都有，但好食嘅真係難搵，後尾我發覺原來金記周圍都有分店，以後唔使嚟到銅鑼灣先有得食