逸之燒 (已結業)

雖然話$48元午餐有個麵豉湯同火炙鰻魚飯，但個飯只得6片薄切（打邊爐的鯇魚片都大片過佢厚過佢）。如果用碗內全部鰻魚去做壽司（爭鲜的大小），最多只可以做到3件！附近壽司店的長鰻魚壽司（$13），一件的鰻魚份量起碼做到3碗這樣的火炙鰻魚飯！如果個6 片火炙鰻薄切又香又多汁好好食的話，都冇咁嬲(嬲到唔記得影相)！但結果成餐好似只係食咗一碗鰻魚汁撈飯！食到我一肚火！對不起！雖然其他晚餐的食評好似講到好好咁，但這個「無料火炙鰻魚飯」真的令我好失望，不會再去試晚餐！希望店主可以將心比己，盡快改善。