♦️海鮮迷必掃區🦀🦞：有多種冷盤海鮮揀，有超多膏波士頓龍蝦、巨型麵包蟹、長腳蟹、凍蝦、青口等等，龍蝦啖啖膏仲好爽口，長腳蟹蟹肉充滿海水味好新鮮，凍蝦隻隻都好大隻口感厚實蘸埋辣椒豉油仲正😍
♦️刺身：有三文魚、赤貝、甜蝦、劍魚、鯛魚、八爪魚～款式眾多全部都好新鮮，特別三文魚厚切勁肥美🍣，其他刺身味道都可以～
♦️熱食推介🍲：熱盤有唔少海鮮，酥炸生蠔、鹹蛋黃金蝦、薑蔥炒龍蝦鉗、芝士蘑菇焗蟹蓋、龍蝦海鮮茶碗蒸、瑤柱蛋白海鮮炒飯等等，特別要講龍蝦鉗隻隻好多肉，用薑蔥炒過超惹味～芝士蘑菇焗蟹蓋都頗有驚喜，食落唔鹹入面加左洋蔥變相更香帶有甜味，重點係放左好多新鮮蟹肉係蟹蓋入面，勁足料😋除左海鮮仲有其他款式，有蠔皇扣花膠海螺片、上湯菜膽雞、三文魚排配白酒忌廉汁等
🌟每日兩場特別表演🧑🍳
🔔第一場（葡式燒乳豬、火焰煙燻牛柳）：廚師用碟就可以輕鬆切開乳豬，可見乳豬烤得非常之鬆脆🙈另外火焰煙燻牛柳非常精彩，充滿視覺效果之餘亦衝擊味蕾，牛柳經慢煮後再煎香最後再煙燻，口感味道冇得彈～
🔔第二場（火焰雪山）：完美做到色香味俱全表演，蛋糕表面鋪滿蛋白霜，用火係表面燃燒後，燒出濃烈酒香味，入面係雲呢拿味雪糕蛋糕，低層望落似朱古力蛋糕但食落有濃烈酒味，中間夾雜住冰鎮生果好特別💖
♦️沙律區🥗：有龍蝦三文魚藜麥沙律、牛油果蟹肉香芒沙律、燒牛肉菠蘿沙律，全部款式都好特別，特別推介燒牛肉菠蘿沙律，牛肉肉質軟嫩重點加左泰式酸辣汁，辣得過癮之餘好開胃
♦️鐵板燒區：有好多款鐵板燒款式可以揀，當然唔少得有燒菠蘿🍍、多春魚、雞肉串等等，中意食鵝肝既唔可以錯過即煎鵝肝多士～另外仲有出面食唔到既片皮鵝🪿，皮脆肉嫩又大塊，配埋新鮮蒸好既餅皮好過癮😋呢區仲有燒肉眼扒同燒羊髀，千祈唔好錯過呀😌
♦️甜品🍨：款式多到食唔晒，泡芙塔打卡之餘外層加左糖漿超脆口，記住要食埋兩款得獎甜品藍芝士撻同朱古力蜜柑慕絲蛋糕，前者芝士香味濃郁，後者蛋糕中間有啖啖蜜柑果肉超滿足🥰另有巴斯克起司蛋糕、西瓜草莓蛋糕、綠茶歌劇蛋糕、蒙布朗、牛油麵包布丁，仲有即叫即製窩夫配埋Häagen-Dazs雪糕絕配，雪糕有咖啡味、曲奇味、士多啤梨味、朱古力可以揀😍
♦️飲品🧃：每枱包一杯茶或咖啡，加$108可以任飲汽水、凍果汁、啤酒、紅白酒及氣泡酒，氣泡酒
🌟餐廳贈送每位一盅佛跳牆🍲，入面超足料有鮑魚、金華火腿、花膠，湯底濃郁得黎唔會過鹹，記住要拎住職員一開始比你果張膠牌，去鐵板燒區拎番盅啦‼️
📣網上訂座可以優惠價$499任食3小時自助餐，記住31/10訂座啦～可以預訂至30/11‼️‼️
1
