薯仔屋 (已結業)

返工太忙，連食飯時間都無，今日終於同男朋友一齊放假，我決定要重拾返年輕時經常去樓上cafe既感覺~~~有好多懷舊玩具既店，有一部分連我都叫唔出名既模型啊！到底老板你儲左幾耐啊！?店入面有一個小朋友區，要湊仔女既靚媽媽可以盡情帶佢地黎放電，又可以同朋友high返個tea啦~餐牌會因應人數不同而改變 我既係雙人餐飲品方面我覺得薄荷豬豬太正啦～用左我最鍾意既吉百利打底，再係上面加入雪糕同薄荷漿~超鍾意，食物方面十分出色，而且店員會慢慢上菜，不會一下子全都推出來，十分貼心啊甜品另外加錢轉左做心太軟，好流心啊～而且口感特別好，配上雪糕再肥我都願意啊