三星台菜食堂 (奧海城2期) (已結業)

因為每次行過都冇人，所以就諗住tea先去食睇下咩環境。門口寫住有tea，即時入去試下，原來週末是沒有的(我再三睇過門口果張下午茶紙冇寫星期六日冇)，都唔緊要，於是叫了個牛肉麵及雞扒魯肉飯。因為奧一已經有小王，以選擇黎講小王完勝，因為三星得兩款牛肉麵、雞扒魯肉飯同排骨魯肉飯4樣飽野好少。而味道上，三星既炸雞扒係冇小王咁大舊同咁硬既，牛肉味亦小食少少。價錢上三星又貴返少少，份量上三星又係少一d。佢同小王既最大分別可能係d員工，個個都踢一踢先郁一郁，7個staff，6個係出而坐低左，5個伏左係度訓，係外面見到咁既場面應該好難鼓起勇氣入黎。因本身見到場面咁冷清都冇咩期望，所以冇影到相。見到收銀個screen寫住用8達通、現金、信用卡，但收銀都係話只有現金。