板燒郎燒肉鐵板放題料理專門店 (已結業)

難得4兄弟咁齊人出黎做gym辛苦完當然要食餐好順便吹下水啦呢度既坐位大部分都係卡位坐落幾舒服4個人坐啱啱好剛好圍住一個爐落單紙設計得幾好每張紙都有推介食物有埋食物相供參考十張紙加起身都百幾二百樣野食我地主力叫左主角既燒肉同刺身唔洗5分鐘就上齊晒鐵板燒肉速度都幾快初初仲擔心羊架太厚有排燒都係5分鐘內已經熟晒燒出黎既肉類 配合埋燒汁我地幾兄弟都大讚好食！刺身係冰鎮，跟住大大個冰盤上我地對刺身既評價係不過不失呢度比較特別係泰國野同埋係多春魚天婦羅！我本人好鍾意多春魚炸成天婦羅 加埋天汁正到啪啪聲！2個鐘內都食左好多野撐住肚行返出去已同兄弟約定下次再黎呢度一戰！