敏華冰廳 (V Walk)

营业中

休息中

去左敏華食飯，叫左下午茶榨菜肉絲雞翼公仔麵，自己未食過黯然銷魂飯所以都貪得意叫左一碗。公仔麵頗大碗，榨菜醃得夠入味，有鹹香。雞翼有兩隻，皮炸得夠脆，見到人地原來可以分開碟上，下次都咁做。$39包埋飲品，本人覺得好抵食！黯然銷魂飯色香味俱全，叉燒得4塊就覺得少左一啲。第一樣做嘅嘢當然就係跟指示將隻蛋整穿，蛋汁流出嚟好治癒～叉燒有焦香，都算易咬，同食得出原本嘅豬肉味，但係始終都未到超鬆軟嗰種。到此一遊都應該要試一試嘅，臨走先望到餐牌原來可以散叫，唔要飲品可以便$12啊...整體不錯，尤其係下午茶餐，下次再來！