【環境】
餐廳裝修簡約明亮，座位之間不會太逼。自助區分門別類擺得好整齊，最吸睛一定是自助區同雪糕櫃！
麻辣湯底多款式，超惹味。
【必食推介】
大頭蝦大大隻，蝦頭爆膏蝦肉爽甜，我一個人就食咗4隻！
除了大頭蝦， 鮮甜沙白肥美冇沙，還有平時放題少見的爽脆墨魚，爽彈得嚟不會韌。
【肉類精選】
燒乳鴿、芝麻雞翼即叫即燒，皮脆肉嫩多汁，超好味，點完再點。
小龍蝦麻辣惹味。
SRF美國極黑和牛片和美國牛肩胛片，雪花紋靚到暈，入口即溶牛味濃，牛油脂分布均勻，輕輕一涮就食得，入口即溶。
封門柳肉味濃郁，帶少少筋好有口感；羊肩片薄切易熟，配麻辣湯一流。
1
田雞髀新鮮爽口，雞子滋補軟滑。
【自助區】
蔬菜新鮮供應，菇菌類選擇多
飲品櫃有齊各式汽水同茶飲。
甜品區還有即製窩夫同糯米糍，飽到捧住肚都忍不住要試！
牛站可能是全香港最平大頭蝦，乳鴿，häagen-dazs…… 等放題任食的火鍋放題，特別推薦Mövenpick嘅雲呢拿味，香濃幼滑。
這個價錢有這麽多高質食材，還要坐得舒服，難怪平日夜晚都爆場！溫馨提示：記得預早book位，及留定quota食雪糕啊！
