鐵花村 (愛群商業中心)

营业中

休息中

夏日炎炎路過見到呢間有雪花冰，可以食果斷入去試吓，自己一個人食，叫綜合冰怕食唔晒，所以最後選擇咗紅豆牛奶雪花冰。 冰上高有滿滿嘅紅豆，上面再覆蓋住一層煉奶，連埋冰食感覺啱啱好，唔會太甜，又唔會話冇味。食到中間先發現原來仲有落黑糖，黑糖混合冰嘅甜味同埋焦香味，消暑一流。店舖設計得好懷舊，環境亦都好舒服，枱面亦都清潔得好乾淨呢一點係比較滿意嘅地方。見到佢有午餐，下次會考慮帶朋友來食完午餐再share個冰，岩岩好。