那個ㄋㄚˋ ㄍㄜ (東寶大廈)

营业中

休息中

特登嚟到北角，就揾定幾間出名嘅餐廳一次過試晒，實行少食多餐。呢間餐廳有最低消費，我地兩個人，又唔想食得飽得滯，就叫咗個香酥排骨便當 加個 黑糖梅子地瓜薯條 同 加大野飲。香酥排骨便當 $76：塊排骨大大塊，好吸引，可惜一咬開，白sai sai，鞋嘅，無味... 個便當除咗有飯外，仲有粉絲同蔬菜。黑糖梅子地瓜薯條 (大) $46：好食！蕃薯本身甜，加上甜甜酸酸嘅梅子粉，好開胃。呢度小食好食過主菜好多。出奇地我到訪嘅時候無乜人，可以任坐。枱與枱之間唔太密，都幾靜，餐廳亦無趕人走。如果想揾個靜靜地嘅地方hae 下，飲杯野，呢間都係唔錯嘅選擇。