Dodam Chicken (1亞太中心) (已結業)

早排接另一半收工，所以就係佢公司附近搵野食。當日我地2個都想食韓國野，Openrice 搵到依間，評價都唔錯，就去試下。環境都相當乾淨、整齊，裝修亦都好靚。食韓國野，緊係要食炸雞啦！於是我地就叫左個無骨香脆雞，由於我地得2個人，又想試多啲野，所以只係叫左半份。佢個炸雞跟配左2個醬，一個係甜辣醬，另一個係芥末醬。佢個炸雞炸得都好鬆脆，唔會太油，雞肉亦都唔會太乾。香香脆脆既炸雞配上甜辣醬，令炸雞食多兩舊都冇咁易飽。我地另一樣叫左既就係韓式魚片湯。佢啲料都相當足，個湯冇腥味。食完個人好暖笠笠。然後我地每人都分別叫左一杯飲品。我就叫左Strawberry yogurt  smoothie，而我另一半就叫左Mango yogurt  smoothie。兩杯都好好飲，唔係人造既假味嚟，而且又甜度適中，唔會太甜或者太淡。