瑞記咖啡

今日係2021年第一個工作日，一早去食個想食既早餐起個好局。我今日揀左去市政大樓既瑞記咖啡😌好多人都推介西多士同樽仔奶茶。我就試左呢個最邪惡既組合。

環境係乾淨衛生企理，地下好乾淨，比起出面茶記坐得更開、更闊落。

個西多士好正，一黎就食左一舊先記得影相😂😂煎到好脆，奶份量唔會多唔會少，就係最完美既比例。好正😋😋

樽裝奶茶好香滑同埋個甜度又係岩岩好，唔會超甜，茶又夠濃郁，真係美好既一日由早餐開始❤️

樽仔奶茶

西多士