Mini Friday (銀城廣場) (已結業)

入座時枱面已放左小食，係脆ge，太餓可以食住揀野食。藍檸檬梳打味道還好，個人覺得甜左啲。黃到金雞翼啲黃非常好食，望落好油咁，但食落唔會覺得好肥，好香鹹蛋味。芒果黑松露鮮蝦沙律外觀好可愛，好似一個藍色壽包，沙律放左喺中間個洞度。好香黑松露味，蝦都好彈牙。龍蝦海鮮蕃茄意粉，有半隻龍蝦喺面，意粉口感同味道都不錯，仲有好多配菜混入。黑松露啡菇水牛芝士薄餅，餅底好薄好脆，芝士味好香濃，配合餅底食唔會好乾。火焰雪糕係朋友為我準備。最後仲有焦糖燉蛋。兩個女仔食，食淨少少意粉。