平日星期一至四會有宵夜時段餐牌提供，食物款式選擇唔算少，而且價錢超值，咁我地5個人就叫左 十三香豬什($85)，香煎蠔餅($53)，馬拉盞炒通菜($53)，魚香茄子煲($53)，肉鬆蒸水蛋($53)，楊州炒飯($53)，乾炒牛河($53)，另外仲叫左D嘉士伯連汽水($22)。
提外話，一般大排檔都好少會有咩服務可言，但今次餐廳職員服務夠殷勤，我地喺洗筷時，唔小心倒瀉左D茶喺枱面到，阿姐見到居然會主動抹乾張枱，值得一讚！
雖然話就話係宵夜時段，但食物份量絕無欺場，而且上菜時都夠熱。
1
香煎蠔餅夠香口，唔油膩
馬拉盞炒通菜夠味，但唔會太鹹
魚香茄子煮得夠淋，D醬好惹味
十三香豬什望落麻辣，實際似分開煮，豬什唔入味
肉鬆蒸水蛋D蛋唔會太水或太硬，夠滑
楊州炒飯炒得夠乾身，乾炒牛河配埋辣椒醬上，2碟份量大，落足料
一班朋友嗌小菜食，配埋啤酒，簡直一流！
