影片
更多
2009-06-17
18 浏览
星期一，微雨，與太座往銅鑼灣附近參與一個重要約會。為滿足太座近日對小籠包嘅渴求，便前往時代廣場嘅「滬江」晚膳。「滬江」係其中一間筆者曾多次光顧，但食評欠奉嘅食肆。印象中，「滬江」嘅菜式唔係話特別出眾，但勝在水準長期保持穩定。遇上為何處食飯而煩惱嘅時候，此店往往在候選之列。二人食中餐，可享用嘅菜式不多，係先天不足。除小籠包之外，還挑選了兩道熱葷及「半」道冷盤。素鵝 – 一般中式食肆所供應嘅素鵝係以煙燻烹調，此店嘅素鵝則以油泡處理之。外面一層嘅腐竹炸得金黃香脆，容易引起食慾。由於係油泡嘅關係，素鵝入口時還是熱的，故筆者稱之為「半」道冷盤；糖醋魚塊 – 色彩鮮艷，有紅(紅蘿蔔)、黃(菠蘿)、綠(青椒)，甜酸茨汁底濃淡適中，味道不會過於激烈之餘，亦有效地刺激唾液分泌。魚塊新鮮嫩滑，一層又一層嘅魚肉，只要牙骹稍微使勁，魚肉便會順著紋理脫離，滑溜得很；西蘭花扒冬菇 – 冬菇身厚，菇味馥郁，茨汁嘅份量亦適量，剛好調出冬菇嘅香味。以西蘭花冠蘸之，可增進食慾，送飯亦一流；小籠包 – 粉皮包得唔夠扎實，筆者數次用筷子夾起小籠包頂部，粉皮便散開，包功有改善嘅空間。不過，小籠包內嘅餡料及湯汁是鮮甜的，豬肉肥瘦
「滬江」係其中一間筆者曾多次光顧，但食評欠奉嘅食肆。印象中，「滬江」嘅菜式唔係話特別出眾，但勝在水準長期保持穩定。遇上為何處食飯而煩惱嘅時候，此店往往在候選之列。
二人食中餐，可享用嘅菜式不多，係先天不足。除小籠包之外，還挑選了兩道熱葷及「半」道冷盤。
素鵝 – 一般中式食肆所供應嘅素鵝係以煙燻烹調，此店嘅素鵝則以油泡處理之。外面一層嘅腐竹炸得金黃香脆，容易引起食慾。由於係油泡嘅關係，素鵝入口時還是熱的，故筆者稱之為「半」道冷盤；
糖醋魚塊 – 色彩鮮艷，有紅(紅蘿蔔)、黃(菠蘿)、綠(青椒)，甜酸茨汁底濃淡適中，味道不會過於激烈之餘，亦有效地刺激唾液分泌。魚塊新鮮嫩滑，一層又一層嘅魚肉，只要牙骹稍微使勁，魚肉便會順著紋理脫離，滑溜得很；
西蘭花扒冬菇 – 冬菇身厚，菇味馥郁，茨汁嘅份量亦適量，剛好調出冬菇嘅香味。以西蘭花冠蘸之，可增進食慾，送飯亦一流；
小籠包 – 粉皮包得唔夠扎實，筆者數次用筷子夾起小籠包頂部，粉皮便散開，包功有改善嘅空間。不過，小籠包內嘅餡料及湯汁是鮮甜的，豬肉肥瘦配搭得宜，湯汁亦算豐富，餡料屬上乘之作。
不可不提這裡嘅服務，服務員不會過份「鼓勵」客人點菜。在筆者點菜之時，能於適當嘅時候提醒已選擇嘅菜式可能超出二人用量。雖有倒米之嫌，但就是這種以顧客為上嘅服務才能留得住客人。
食店於數年前翻新過，富有現代風格。洗手間以隱蔽式設計，有創意，但年長者未必能即時搵啱門口。
二人用餐合共三百蚊，平均每人一百五十蚊，價格屬合理水平。
张贴
