燒蝦蝦 (興泰大廈) (已結業)

超多款海鮮 店員好好人2.5小時流水蝦放題，距離杯渡輕鐵站2分鐘路程，行完屯門市廣場嚟食好方便。第一輪就有照人頭送嘅半邊龍蝦，鱔串同牛。鱔串好滑，調味適中，又無骨，龍蝦鮮甜有肉。每枱旁邊都有個水缸，入邊嘅蝦隻隻都好生猛，店員教我地將啲蝦夾出嚟之後，先放向冰筒裏邊將佢凍暈，再拎去燒，每隻都好大隻 好厚肉。除咗流水蝦，仲有超過15款嘅海鮮，店員不停Refill，不時會換上一些新款海鮮。當中鮑魚係最好食，先甜爽口，店員仲好細心咁教我地要將啲鮑魚反轉嚟燒，咁就唔會怕啲殼彈到周圍都係。除此之外，仲有多款串燒配料、冷盤同熟食。飲品仲有酒類任飲，啤酒、梅酒、清酒同燒酒，值得一讚。