影片
更多
2009-09-27
34 浏览
一家人提早食團圓晚飯, 揀咗灣仔北嘅東海, 此店屹立在此多年, 一直冇機會嚐一嚐. 東海一向以海鮮著名, 又看看這個1918魚翅鮑魚宴如何吧?1918不是一個年份, 而是$1,918全包宴, 未計糖水包點也有十道菜, 相當豐富. 是晚我們總動員, 老老少少坐滿一圍. 八時入席, 但見場內也座無虛席, 生意不錯! 乳豬件併烤骨 - 乳豬烤得唔錯, 皮脆肉嫩, 可惜想多食一件都冇. 反而烤骨就不太受歡迎, 味道一般, 肉質麻麻, 始終是鬼佬嘢, 在中式酒家點會做得好過東尼? 富貴金錢蝦 - 蝦仁爽口彈牙, 配菜除西芹外, 還有久違了的馬蹄粒, 同樣清甜爽口, 與蝦仁, 西芹是絕佳配合! 面頭還洒上琥珀合桃, 認真好味! 千層寶盒 - 像炸雲吞般的寶盒, 內裏我只吃到有些韭菜, 份量有點兒戲! 發財瑤柱甫 - 賣相不俗, 瑤柱size都唔算細, 有咬口, 入味. 如生菜份量多些就更好. 紅燒雞絲生翅 - 我想由於畢值所限, 我連一根翅也找不到, 差! 鮮鮑魚扣花菇 - 鮮鮑魚size果真唔細, 但可惜全無鮑味, 但花菇就扣得好腍. 清蒸老虎班 - 條班就細咗少少, 咁多人食, 我
1918不是一個年份, 而是$1,918全包宴, 未計糖水包點也有十道菜, 相當豐富. 是晚我們總動員, 老老少少坐滿一圍. 八時入席, 但見場內也座無虛席, 生意不錯!
乳豬件併烤骨 - 乳豬烤得唔錯, 皮脆肉嫩, 可惜想多食一件都冇. 反而烤骨就不太受歡迎, 味道一般, 肉質麻麻, 始終是鬼佬嘢, 在中式酒家點會做得好過東尼?
富貴金錢蝦 - 蝦仁爽口彈牙, 配菜除西芹外, 還有久違了的馬蹄粒, 同樣清甜爽口, 與蝦仁, 西芹是絕佳配合! 面頭還洒上琥珀合桃, 認真好味!
千層寶盒 - 像炸雲吞般的寶盒, 內裏我只吃到有些韭菜, 份量有點兒戲!
發財瑤柱甫 - 賣相不俗, 瑤柱size都唔算細, 有咬口, 入味. 如生菜份量多些就更好.
紅燒雞絲生翅 - 我想由於畢值所限, 我連一根翅也找不到, 差!
鮮鮑魚扣花菇 - 鮮鮑魚size果真唔細, 但可惜全無鮑味, 但花菇就扣得好腍.
清蒸老虎班 - 條班就細咗少少, 咁多人食, 我只食得一啖. 肉質ok.
醬油脆皮雞 - 全晚最掂係隻雞, 雖然唔係好夠熱, 但好入味, 皮脆肉嫩.
芝士焗雞批 - 批底唔係用曲奇皮, 亦無牛油香味, 餡料味道麻麻, 馬虎之作!
長壽伊麵 - 伊麵煮得過火太腍, 夾都夾唔到, 散哂! 味道還可以.
壽桃包 - 捧上枱時, 眼前一亮! 拳頭咁大個壽包, 包身軟綿綿, 內裏有原粒蛋黃及蓮蓉, 好似食月餅咁.
杏仁露 - 水汪汪咁無味道, 連大公子都話唔好味就真係好差啦!
成晚招呼認真麻麻, 員工及部長已落力非常, 但樓面似手人手嚴重不足.
整體今晚評分只屬一般, 未知是否因為將貨就價關係? 埋單全包$1,918 抵唔抵食則是見仁見智, 係唔係俾多d就一定會好食d呢? 似乎又未必!
张贴
