極尚大喜屋 (鱷魚恤中心)

今次係第二次來呢間餐廳食放題，因為覺得佢價錢又唔算太貴188元，但係食的時間就可以有三個鐘頭，我同我朋友食完之後仲可以慢慢喺度傾下偈，時間係由12點去到3點鐘，星期一至五就188元，如果星期六日嚟就198蚊。

呢度食物嘅款式都唔少，有幾樣係必食推介，鹽燒海蝦，刺身，鰻魚等等。
甜品方面呢度會有雪糕，雪條，另外有雪糕機，糯米糍等等。座位方便如果三至四個人可以坐卡位。
由於呢間餐廳比較大，所以空間感會比較好。出面會有啲熱櫃可以攞啲熱嘢食，同埋有沙律吧可以攞啲沙律食。