影片
更多
2019-07-24
90 浏览
#Notte (銅鑼灣)銅鑼灣告士打道229-230號宇宙商業大廈10樓全層-----平時返工得個幾鐘食Lunch 通常都係食一啲速食為主 所以有時放假嘅時候 B仔鍾意搵一啲唔太迫嘅地方 休休閒閒咁享受午餐 而最近就比我搵到呢間係銅鑼灣商廈入面私隱度極高嘅餐廳 餐廳有幾間房 一間房入面得幾張枱 每張枱都可以望到180度嘅維港景色 未開始食 淨係望個景 都令人感到心情舒暢🥰-麵包（附送）order完野食 服務員就送上就微溫嘅麵包 Vegemite 同埋黑松露花蜜 麵包當中兩塊係麥包 兩塊係杞子提子包 後者包上有葵花籽 黑芝麻同白芝麻 非常香口 B仔好中意 而麵包醬方面 出名含有豐富維他命嘅澳洲有機食物醬Vegemite味道較鹹 第一次食 唔係好食得慣嘅朋友 可能會覺得佢似蝦醬味 所以記住唔好搽太多 而黑松露花蜜就好特別 清甜中帶有松露味 好適合搽麥包😙-日本頂級鮑魚伴醬油汁（$138）係自然光嘅配襯托底下 原本就擺得好精緻嘅食物 顯得格外誘人 鮑魚嘅醬油味好濃郁 質感軟腍得黎幾彈牙 底層有一件完全冇渣嘅白蘿蔔 味道清甜且多汁 正好平衡鮑魚嘅濃味😆-香煎北海道帶子配粟米蓉（$148）輕輕煎
銅鑼灣告士打道229-230號宇宙商業大廈10樓全層
-----
平時返工得個幾鐘食Lunch 通常都係食一啲速食為主 所以有時放假嘅時候 B仔鍾意搵一啲唔太迫嘅地方 休休閒閒咁享受午餐 而最近就比我搵到呢間係銅鑼灣商廈入面私隱度極高嘅餐廳 餐廳有幾間房 一間房入面得幾張枱 每張枱都可以望到180度嘅維港景色 未開始食 淨係望個景 都令人感到心情舒暢🥰
-
麵包（附送）order完野食 服務員就送上就微溫嘅麵包 Vegemite 同埋黑松露花蜜 麵包當中兩塊係麥包 兩塊係杞子提子包 後者包上有葵花籽 黑芝麻同白芝麻 非常香口 B仔好中意 而麵包醬方面 出名含有豐富維他命嘅澳洲有機食物醬Vegemite味道較鹹 第一次食 唔係好食得慣嘅朋友 可能會覺得佢似蝦醬味 所以記住唔好搽太多 而黑松露花蜜就好特別 清甜中帶有松露味 好適合搽麥包😙
-
日本頂級鮑魚伴醬油汁（$138）係自然光嘅配襯托底下 原本就擺得好精緻嘅食物 顯得格外誘人 鮑魚嘅醬油味好濃郁 質感軟腍得黎幾彈牙 底層有一件完全冇渣嘅白蘿蔔 味道清甜且多汁 正好平衡鮑魚嘅濃味😆
-
香煎北海道帶子配粟米蓉（$148）輕輕煎過嘅帶子味道鮮甜 咬落非常軟身 由於非常厚切所以食嘅過程會有種食緊扒嘅錯覺 粟米蓉唔會過分濃味 起到提味效果嘅同時 無掩蓋帶子鮮味☺️
-
香煎慢煮沖繩阿古豬配意大利白豆（$238）慢煮完再煎過嘅阿古豬 表面有微微焦脆 咬落肉汁滿瀉 每一啖都令B仔有種幸福嘅感覺 意大利白豆質感則較爲硬身 幾特別但未必係香港人食得慣嘅口味😝
-
蘋果木煙燻和牛肩扒（$588）一如其他菜式 擺盤依然賞心悅目 和牛色澤鮮紅亮麗 紋理細緻 入口無咩蘋果煙燻味 但牛味好濃郁 質感滑溜無渣 由於係牛肩嘅部位 油花未算超多 入口接近即溶 但又同時保留柔軟咬口 整體用料高質 令人一食難忘
-----
👶🏻B仔整體評價：8.4/10個👍🏻
👶🏻B仔抵食程度：7.5/10個👍🏻
👶🏻B仔環境評分：8.5/10個👍🏻
👶🏻B仔味道評分：9/10個👍🏻
👶🏻B仔回頭機會：8.5/10個👍🏻
-----
#swallowhongkong
跟住B仔一齊吞食香港啦！🤤
#swallowcwb
张贴
