大將 (已結業)

早排去咗好近旺角地鐵站嘅T.O.P商場覓食，見佢food court 下面有間---🌟大將🌟食火鍋放題嘅餐廳，我哋揀咗澳洲和牛牛小排火鍋放題，有成120分鐘可以食，一人一個火鍋，可以自己食到想食嘅湯底，幾好！自助醬料、飲品同甜品區，甜品選擇都好多，仲可以自己整格仔餅，好特別！😍而火鍋配料可以出面拎，有好多疏菜、丸類，款式都多下，火鍋有成十個湯底可選，我哋分別揀咗花生醬沙嗲同海老濃湯完熟蕃茄湯底，兩個湯底都係濃味之選，我哋嘅火鍋放題套餐會送埋頭盤，有牛舌、牛胸腹眼，仲可以任點好多唔同部位嘅牛肉，肉類亦可以揀豬、雞、羊，仲有海鮮款式，仲有可以點一份份嘅其他，有即炸響鈴🤩一份係一人份量，唔洗擔心點得太多🫶🏻就算放題火鍋，牛肉質素味道唔錯，仲有好多火鍋材料選擇，最後仲有甜品任食，好滿足，而且火鍋座位坐得舒適，枱面夠寬敞，放曬火鍋材料都充足，最正係又近地鐵方便👍🏻._.