赤丸製麵所 (已結業)

晏晝同友人們食左一個早餐+午餐+下午荼份量的tea buffet後, 飽到個肚腩凸哂出黎, 但經歷完一輪激烈的碌ling篤波大戰後, 又需要吃點東西補充體力, 左揀右揀, 即管試試"赤丸製麵所"的12蚊烏冬. 燒汁豚肉湯烏冬($36): 烏冬不太彈牙, 有些一夾起即斷; 而且燒汁味太淡, 令本身已經係雪藏貨的豚肉更為失色香葱蛋辣豚肉飯($38): 同燒汁豚肉湯烏冬的豚肉一樣, 吃下去淡而無味; 友人沒有興致吞下, 食左2/3碗就停了口; 另外附送的味噌湯明顯落得太多味精, 好鹹冷烏冬($12)+吉列雞扒($16): 夏天無胃口, 叫左冷烏冬, 口感同街市賣緊3蚊包既冇太大分別, 只係凍食, 值得一讚的是個湯真係唔錯, 酸酸地幾醒胃, 贏回不少分數; 另外點的吉列雞扒好鞋, 食落一d都唔似炸物咁香脆可口總結, 呢到食野係要自己斟水既, 所以侍應除左落單同送野食就冇野做, 而且忡要黑口黑臉, 服務=0; 排隊亦需較長時間, 每次經過都有人龍出現; 餐牌的菜色太少, 可供選擇的只是跟飯/烏冬的分別, 味道只屬一般. 若綜合各項分數, 赤丸製麵所只屬中下之選, 因為本人討厭排隊, 下次光顧要等