發記甜品 (已結業)

食咗$210 ，但都係麻麻地好食，只係食完燒鵝順手過嚟食下甜品。依個榴槤甜品入面有小丸子同埋雲呢拿雪糕，啲榴槤好似渣咁樣，一啲都唔creamy，成個甜品都好油膩，雪糕又好甜咁樣撈埋一pat，仲要成差唔多$80 ，我覺得好唔值。水果茶係正常味道，但係水果都係唔多嘅，求其擺一兩舊敷衍下你咁樣。士多啤梨沙冰個顏色同餐牌嗰個有分別，餐牌嗰個係鮮西瓜紅色，黎到變咗粉紅色，味道係偏甜同埋比較多奶味。綠茶沙冰好似嫵媚咁樣，成杯野好似飲冰咁樣，紅豆好菜比較軟身一啲，算係比較易入口嘅嘢。我真係唔會再黎，呢度啲甜品又貴又唔好食！