龍蝦寶寶 (已結業)

放工經過中環街市附近，又想食個輕食，見下午茶餐去到6:30pm仲有時間，就入去坐低左，目測店內除我之外得一檯客。木造裝修同檯椅令整體環境很明亮，卡位細細地都好舒適。店內播放著pop music，唔知人多會唔會覺得吵呢？原來下午茶都唔平，本住試新野心態就叫左個C餐：通粉配龍蝦湯，蔥花叉燒炒日本滑蛋，牛油多士，咖啡或茶。湯底好香龍蝦味，通粉都煮得夠淋，叉燒滑蛋好滑，牛油多士略嫌太細份了。檸茶正正常常。埋單$48唔駛加一。