龍門一番川滬·紫砂燉湯 (已結業)

朋友帶咗我去禾輋商場一間主打川滬菜嘅中菜館嘆下午茶，環境以木系裝飾，有大量卡位，坐位寬敞舒適。四川擔擔麵：麵身軟硬適中，麻醬湯底做得好好，濃郁得嚟帶點微辣。肉抹水晶粉：入面有菜、蛋、豬肉，調味適中，好鍾意水晶粉煙韌口感。麻醬腐皮卷咬落爽脆；醉翁蝦用花雕酒浸住，酒香濃郁；涼拌茄子塔：茄子索晒醬汁；上海小籠包熱辣辣，肉質結實多汁；迷你胡椒餅外酥內軟。花膠螺頭干貝燉雲吞雞湯(2位)：用紫砂鍋燉盅盛裝，燉湯喺每日新鮮製造，熱辣辣，足料夠味。自製千層水晶肉，Q彈口感，味道唔錯。豆沙鍋餅必食，入面既豆沙熱辣辣，外脆內軟，再曬滿糖霜，好正。芒果多多𣲙外形好吸引，芒果嘅果味濃郁，夠晒凍。✨新張期間可免費入會，成為會員後即享9折優惠、優先訂座、半價飲品(不包括生啤類)、仲有定期價惠贈送比會員添。由於時間關係，我朋友表示佢一早巳經做咗會員啦。🔍龍門一番川滬·紫砂燉湯 (沙田)📍沙田德厚街3號禾輋邨禾輋廣場2樓210A號舖