喜膳燒

营业中

休息中

今日Weekend 收工就約左朋友去佢公司附近呢間喜膳光居酒屋吹下水食串燒！好彩我一早book左位，夜晚7點黎到已經接近滿座！呢間小店主打海鮮燒物，特別係龍躉及生蠔！當然仲有基本豬牛羊雞既款式！我地今晚就點左牛味濃和牛串、雞腎、台灣腸、雞泡魚乾及明太子雞翼送酒！第一次見有龍躉做串燒包住豚肉味道與口感都幾特別！日本霜降牛串牛味甚濃唔韌！魚肉燒賣配沙爹醬寧舍惹味！另外蔬菜就點左燒茄子及京蔥！聖子好大隻，不過我反而欣賞扇貝上面既蒜茸粉絲超級香喎！餐廳仲特別預備熱石慶住啲串燒等佢唔好凍冰冰.呢點真係抵讚.