龍麵館 (已結業)

原本以為係拉麵店，點知一入到門口，店內裝修到好以武館咁，門口有舊式酒樓嘅金龍，又有木人椿、好多舞獅頭、雙節棍咁, 都幾特別 ，睇得出裝修設計有比心思落去。唔知老闆會唔會喺李小龍嘅粉絲呢？行入再望下其他食客嘅食物，原來係飲茶食點心嘅～Menu 大部分都係龍蝦為主，今次我地點咗龍蝦蘿蔔絲酥、龍蝦春卷、煎釀三寶、糖包臘腸卷 、紫薯包 、蟹鉗撈麵、雲吞龍麵&千葉豆腐花⋯⋯當中以龍蝦蘿蔔絲酥咪道較為出色，外脆內軟，內裏又多龍蝦肉。糖包臘腸卷都整得幾特別幾靚，其他點心都夠熱嘅。總括來講，食物嘅外貌比其味道更為出色，不妨一試。龍蝦蘿蔔絲酥龍蝦春卷煎釀三寶糖包臘腸卷 🍬😍紫薯包 🍠蟹鉗撈麵雲吞龍麵甜品：千葉豆腐花