沙嗲王 (已結業)

與友人前來沙爹王晚餐，其實6時半已早到，但仍然好多人，足足等了半個鐘有多才入座。由於人太多，每枱座得比較逼，活動空間不多。顧客可自行揀選粉麵飯、醬汁再配搭豬扒、肥牛等食物，彈性度高。而來到沙爹王當然點賣點的沙爹肥牛粉絲，湯底非常惹味，肥牛不會太肥膩，剛剛好，粉絲好有彈性，惟獨湯底比較油。要推介的是咖哩厚切豬扒飯，咖哩的確十分濃烈，但完全不辣。厚切豬扒大大塊，外層炸到鬆脆可口，內層啖啖肉，沾上咖哩汁後，味道更香濃，更美味。點任何菜式可以半價叫飲品，而我點了青檸賓梳打，味道剛剛好，不太甜。整體食物不錯，上菜速度亦快，不過環境十分逼，就住就住咁食。