影片
更多
2022-07-16
110 浏览
鼎爺：「點啊？啲嘢食好唔好食先？」我：「好食呀！」鼎爺：「講真㗎 ！唔好講門面野，係咪真係好食？」我： 「講真㗎 ！啲雞好滑好入味！連雞皮都好爽口！ 」以上係真實對話！海之戀Donki同層有間「鼎家喜筷」餐廳，係藝人李家鼎名下餐廳之一，餐廳嘅嘜頭公仔正係按照頂爺個樣設計。前幾日去咗食雞煲，除咗雞煲好食之外，仲撞見鼎爺本人係自己餐廳食嘢，真人好有禮貌好隨和！講返餐廳，餐廳都幾寬敞、座位鬆動、燈光夠光猛、望落去乾乾淨淨。➺➺幸福雞煲$168/位90分鐘內無限添食祕製雞件。Gas爐勁猛火，成個雞煲幾分鐘就滾起，雞件熱辣辣！好多調味香料，雞件好大塊，但係非常入味，啖啖肉，仲好滑！鼎爺話咁滑因為係新鮮雞！個精粹係個祕製汁，包滿成塊雞件，BB辣啱啱好，好惹味！侍應早早就端上一壺湯，食完雞煲之後我哋就自行加湯打邊爐，加完湯之後，好似食緊麻辣火鍋，食物淥完已經夠晒味唔使再點醬汁！➺➺隨雞煲附送蔬菜拼盤$88一個，娃娃菜、金菇、冬菇都好索湯汁，再叫多個豬肉片$88 有9大塊，性價比高！食雞煲打邊爐唔可以忽略飲品，每位+$28日蚊就可以任飲菊花薏米或檸檬洛神，不過見到有好多其他特色飲品，所以就叫咗：➺➺凍
我：「好食呀！」
鼎爺：「講真㗎 ！唔好講門面野，係咪真係好食？」
我： 「講真㗎 ！啲雞好滑好入味！連雞皮都好爽口！ 」
以上係真實對話！海之戀Donki同層有間「鼎家喜筷」餐廳，係藝人李家鼎名下餐廳之一，餐廳嘅嘜頭公仔正係按照頂爺個樣設計。前幾日去咗食雞煲，除咗雞煲好食之外，仲撞見鼎爺本人係自己餐廳食嘢，真人好有禮貌好隨和！
講返餐廳，餐廳都幾寬敞、座位鬆動、燈光夠光猛、望落去乾乾淨淨。
➺➺幸福雞煲$168/位
90分鐘內無限添食祕製雞件。Gas爐勁猛火，成個雞煲幾分鐘就滾起，雞件熱辣辣！好多調味香料，雞件好大塊，但係非常入味，啖啖肉，仲好滑！鼎爺話咁滑因為係新鮮雞！個精粹係個祕製汁，包滿成塊雞件，BB辣啱啱好，好惹味！
侍應早早就端上一壺湯，食完雞煲之後我哋就自行加湯打邊爐，加完湯之後，好似食緊麻辣火鍋，食物淥完已經夠晒味唔使再點醬汁！
➺➺隨雞煲附送蔬菜拼盤$88一個，娃娃菜、金菇、冬菇都好索湯汁，再叫多個豬肉片$88 有9大塊，性價比高！
食雞煲打邊爐唔可以忽略飲品，每位+$28日蚊就可以任飲菊花薏米或檸檬洛神，不過見到有好多其他特色飲品，所以就叫咗：
➺➺凍荔枝蘆薈綠茶$34
➺➺凍鮮檸檬薏米水$42
兩杯飲品賣相都好靚，夠清新解渴，但後尾發現一杯唔係幾夠飲，建議都係+$28任飲之前提過嗰兩款飲品比較好。
***加一服務收費
张贴
