有蒸氣 海鮮石鍋專門店 (已結業)

就係見食評係全部讚，所以約埋三五知己試下有幾好味...自問即使位置吊腳只要係好食嘅要我坐的士等兩個鐘位都冇問題，但呢間店除左服務不錯有象拔蛑刺身送外，我真係搵唔到再光臨嘅理由😔餐有幾款，以為食個中價最超值嗎？！唔係咁囉...只係食你唔飽，餓你唔死，又貴又唔值，同家陣做緊優惠$999六位嘅海港蒸氣火鍋套餐內容接近一樣，只係款式少少唔同，味道差啲，碟頭又細啲，但價錢乘3倍幾囉！！！ 最深印象有兩款食物...第一名！賣相唔錯六位價錢少到不行嘅多沙花甲！我懷疑自己同另外四個朋友都一齊犯太歲， 所以我地六個人裡面有五個都食到滿口沙囉...😵😵😵 第二名！有名無實嘅蟲草花鮑魚！ 都係賣相唔差，但味道係....冇味囉唔該🙄 真心，冇下次，我就嚟唔敢再信食評啦...所以必須要喺度大膽話俾會信食評嘅為食之友知真實情況囉！😠埋單三千幾...又貴又唔好食😤早知攞晒去唱通宵K食k buffet冇咁嬲！😒😒