德國熱狗

因為以前住附近已經幫襯咗何文田店二十幾年，見到由後生仔接手後都keep住間唔中買吓。嚟幾年腸同包都保持到水準，但係好唔明點解宜家啲芝士成日都係未融晒就出餐？社交媒體網站啲拉絲芝士相影得好靚，但係實物好似盲盒咁，有時融咗，有時半融，有時完全未融仲要一粒粒芝士跌到成個外賣盒都係。宜家坊間多咗同類熱狗店，基於情懷一路都係賣買嚟間。見到德狗宜家連整融啲芝士咁基本嘅嘢都唔畀時間做，都幾失望。希望以後可以畀心機做番好啲啦。以前阿姨主管時代，買咗不下一百次，從來未試過芝士係未融。