龍皇酒家 (開源道)

點解九月份都可以熱到咁，返工喺觀塘已經好辛苦，勁多人，又要迫，天氣仲要咁熱真係好辛苦😢😢😢
返新工好彩有兩個鐘頭食飯，同同事嚟咗呢度食，嗰個蘿蔔絲酥卷真係幾好食，炸到勁香口！
同事推介我一定要飲呢度嘅湯，都真係幾唔錯好似冇咩味精咁，不過重點就係佢勁多湯揸，平時喺屋企飲湯嘅我都勁鍾意食！估唔到出嚟食飯都可以有咁豐富嘅😂😂😂
唔知係咪觀塘區嘅大家食飯嘅時間唔多，晏晝嚟都唔使同人迫，好快就有位，希望我係依間公司做得長，可以繼續享受我兩個鐘頭嘅飯鐘😅😅