新斗記 (已結業)

放假，当然要带埋屋企人去饮茶啦屯门新斗记平日早茶要11点先开门，啱晒我训到自然醒先去攞位，不过，你唔好睇少系平日，一样系要排队㗎！入到去，每次都叫流沙炸煎堆，你地睇下，我个宝贝仔即刻伸手去拎，唔洗讲都知好食第二必叫嘅系虾饺，大大粒，真材实料，爽口又弹牙，块皮烟烟韧韧，真系好好味。牛肉球蒸完出嚟胀卜卜，加埋喼汁，真系绝配不过今次嘅烧卖，跌咗粒虾肉，卖相差少少，不过一样都好味食咗咁多年，一直keep住水准，抵我做长期客人，不过，d蒸笼开始旧又污糟喇，系时候换下