影片
更多
2013-03-13
311 浏览
11月8日, 剛去完旅行番嚟嘆多一日假期, 就搵d又抵又好食嘅lunch~ 其實之前我地都食過呢度嘅lunch set買一送一, 份量多之餘味道又唔錯, 所以今日我地又嚟過, 又試下其他款嘅set~ 原來而家Ruby Tuesday又做緊買一送一, 喺地下print張coupon就可以享受呢個優惠, 十分方便!::: 麵包 + 餐湯 :::一如以往, 先奉上高高嘅麵包架, 裏面有切件嘅長麵包~ 麵包微暖, 亦有鬆軟感, 唔錯~ 加上個牛油味道十分豐富, 塗喺麵包上食更加突出~是日餐湯係蕃茄湯, 味道少少酸又唔會好嗆, 似乎落咗d茄膏去煲, 個質地幾杰下, 味道亦因此加強不少. 係就係好, 但係味道比較人工咗.::: Vegetarian Lasagna 雜菜千層闊麵 ::: $88呢個雜菜千層麵面頭一大pat半溶芝士有好rich嘅感覺, 濃郁嘅芝士香令人垂涎三尺~ 切開千層麵, 內裏有甜椒呀, 菇菌呀咁, 雖然係素食但係入口感覺豐富, 千層麵剛好嘅淋軟度, 加埋d爽口嘅紅黃椒, 亦帶有野菌香, 好滿足~ 另外伴碟仲有2塊蒜蓉包, 香香脆脆加埋少少蒜蓉味, 只係比較濃咗d, 雖然係咁已經
::: 麵包 + 餐湯 :::
一如以往, 先奉上高高嘅麵包架, 裏面有切件嘅長麵包~ 麵包微暖, 亦有鬆軟感, 唔錯~ 加上個牛油味道十分豐富, 塗喺麵包上食更加突出~
是日餐湯係蕃茄湯, 味道少少酸又唔會好嗆, 似乎落咗d茄膏去煲, 個質地幾杰下, 味道亦因此加強不少. 係就係好, 但係味道比較人工咗.
::: Vegetarian Lasagna 雜菜千層闊麵 ::: $88
呢個雜菜千層麵面頭一大pat半溶芝士有好rich嘅感覺, 濃郁嘅芝士香令人垂涎三尺~ 切開千層麵, 內裏有甜椒呀, 菇菌呀咁, 雖然係素食但係入口感覺豐富, 千層麵剛好嘅淋軟度, 加埋d爽口嘅紅黃椒, 亦帶有野菌香, 好滿足~ 另外伴碟仲有2塊蒜蓉包, 香香脆脆加埋少少蒜蓉味, 只係比較濃咗d, 雖然係咁已經好好~ 唔好睇個千層麵好似好細件, 但係食完都幾飽~
::: Ruby Minis 迷你露比漢堡 ::: $80
呢個不嬲都係Ruby Tuesday特色食物之一, 細細個嘅迷你漢堡可以配搭唔同嘅漢堡扒, 可以細嚐唔同口味嘅漢堡~ 呢個set有牛同雞, 各有特色, 牛肉嘅肉味唔錯, 加上芝士, 配合脆脆嘅漢堡包, 香脆惹味十足~ 而雞肉漢堡係配生菜, 即時個口感同牛肉唔同咗, 雞肉雖然比較乾身, 但不失雞味, 味道比牛肉更濃~
再加上厚厚嘅薯條, 即炸起好熱辣, 十分熱氣~ 茄汁係偏甜嗰隻, 都幾夾個薯條~
::: Double Chocolate Cake ::: $59
Double嘅意思即係朱古加Brownie, 包住中間濃濃嘅朱古力醬, 有dd似心太軟, 只不過可以見到中間嘅流心~ Brownie幾結實, 朱古力味道好濃烈, 係水準之作~ 裏面嘅朱古力醬唔夠個Brownie濃, 可以當係汁咁點下, 雖然好味, 但係好似唔係太特別. 另配上雲呢拿雪糕, 加咗好多嘅士多啤梨醬汁, d汁仲有d士多啤梨肉架~ 就咁食就幾好, 但係配住個Brownie食, 朱古力味就會蓋住士多啤梨味, 感覺亦有d怪怪, 所以都係分開食好d… 不過, 要食特色甜品, 都係Chocolate Tallcake好味好多~
平日嘅lunch time人流都唔少, 不過我地食到3點, 就已經冇晒人, 佢地應該係會落場嘅, 所以都唔可以坐太耐… 但係想食個好味, 又飽嘅lunch, 呢度真係唔錯, 等埋有買一送一就更好~
张贴
