影片
更多
2011-11-12
125 浏览
食完碗蛇, 就聯同串爆肥鄧一齊行過去搵四川串燒佬, 時間相對比訂枱時間為早, 不過一於少理, 三條友照行入去食店, 響朵後, 伙計即刻安排入座! 未講呢間食店前, 先講下吹雞訂枱時嘅精彩對話! 吹雞致電食店, 侍應拿起聽筒後……吹: “請問有冇得留座?”侍: “想預留幾時?”吹: “11月2日晚上7:30.”侍: “幾多位?”吹: “四位.”侍: “貴姓留位?”吹: “吹雞.”侍: “下?? (愕然中)吹: “吹雞.”侍: “留個電話.”吹: “9xxx xxxx”侍: “ok, 覆番你一次! 11月2日晚上7:30, 四位, 電話係9xxx xxxx!” (竟然冇覆邊位留枱)吹: (按奈不住地) “係吹雞留枱喎……”侍: “得架喇, 知道架喇! 拜拜!”由始至終個侍應分明當我冇到, 死都唔肯講吹雞個名, 吹漲! 言歸正傳, 坐底後就即刻開始睇下有咩好食, 邊柯打食物, 亦邊等大聲! 由於一早收到風, 係唔需要一次柯打太多食物, 否則就會好快黎晒, 所以亦決定慢慢落單! 不過第一次柯打都唔少野, 有泰式鳳爪, 燒美國生蠔, 燒牛舌, 燒雞皮串, 燒墨魚咀, 燒雞泡魚乾, 芝士牛油焗雜菌
吹雞致電食店, 侍應拿起聽筒後……
吹: “請問有冇得留座?”
侍: “想預留幾時?”
吹: “11月2日晚上7:30.”
侍: “幾多位?”
吹: “四位.”
侍: “貴姓留位?”
吹: “吹雞.”
侍: “下?? (愕然中)
吹: “吹雞.”
侍: “留個電話.”
吹: “9xxx xxxx”
侍: “ok, 覆番你一次! 11月2日晚上7:30, 四位, 電話係9xxx xxxx!” (竟然冇覆邊位留枱)
吹: (按奈不住地) “係吹雞留枱喎……”
侍: “得架喇, 知道架喇! 拜拜!”
由始至終個侍應分明當我冇到, 死都唔肯講吹雞個名, 吹漲!
言歸正傳, 坐底後就即刻開始睇下有咩好食, 邊柯打食物, 亦邊等大聲! 由於一早收到風, 係唔需要一次柯打太多食物, 否則就會好快黎晒, 所以亦決定慢慢落單! 不過第一次柯打都唔少野, 有泰式鳳爪, 燒美國生蠔, 燒牛舌, 燒雞皮串, 燒墨魚咀, 燒雞泡魚乾, 芝士牛油焗雜菌同埋燒蒙古羊肉, 如係串燒就每樣要兩串, 其他就要一份, 當大聲一到就即刻入單!
野食未到時就睇下有咩好飲, 而呢間食店嘅選擇都甚多, 有王x吉, 鴻x堂嘅夏枯草, 雞骨草, 連楊x成嘅菊花茶同清涼茶都有, 最令人驚喜係有hoegxarden嘅生啤, 呢一下真係有少少感動, 所以吹雞就整左杯大hoe, 至於肥鄧同串爆就揀左王x吉, 大聲就撐楊x成, 唔係撐受仔呀!
飲品到齊後, 食物亦陸續登場, 首先登場係泰式鳳爪, 於是即刻起筷, 泰式鳳爪冇骨就梗架啦, 不過最出色唔係呢點, 反而係個酸酸辣辣嘅調味, 酸嘅味道唔會太過份, 不過辣就真係幾辣, 如果唔太食得辣都可能未必頂得順, 不過我吹雞就幾欣賞, 皆因夠開胃惹味, 作為第一款登場嘅食物, 真的不錯, 值得一試!
之後就試燒美國生蠔, 蠔係好新鮮, 味道鮮甜, 加上燒嘅時間啱啱好, 唔會過火, 所以蠔身唔乾唔老, 配上少少蒜蓉份外惹味, 七十八蚊有五隻, 都幾抵食, 嗜蠔者不容錯過! 牛舌就幾厚身, 有質感, 加上燒得好香, 入口勁軟熟, 正喎! 雞皮絕對係至愛, 雞皮燒得好香脆, 可惜火喉控制得唔太好, 有少少燶, 呢個位要扣少少分喇!
燒墨魚咀亦係一款平時比較少吃嘅食物, 墨魚咀非常爽口, 而且有少少肉汁, 唔太乾身, 不錯; 至於燒雞泡魚乾就冇咩特別, 基本上同一般酒吧咁上下水準; 芝士牛油焗雜菌嘅芝士勁香, 加上又冇焗到乾水, 時間掌握得好好, 雜菌夠爽口, 絕對值得推介; 羊肉本身非常香酥, 而且燒得香時身亦軟, 加上香料惹味, 好有蒙古風味, 絕對係必食推介!
第一輪食到八八九九, 於是就開始展開第二輪攻擊! 四大齊齊商量, 最後一致通過柯打左燒雞中翼, 燒三文魚頭(半邊), 燒鵪鶉蛋, 燒肥牛露筍, 涼伴海蜇皮, 燒白鱔, 燒蒙古特級羊架同埋燒菠蘿! 其間食店忽然間好似梁詠琪上身, 全店陷入煙霧瀰漫, 差點兒仲以為梁詠琪會獻唱, 原來只係抽風問題, 看來食店應該要正視一下!雞中翼嘅肉身唔太滑, 可幸亦唔太乾, 不過就硬係冇咩特別, 除非勁鍾意食雞中翼, 否則可以唔揀; 三文魚頭都燒得幾香, 肉身唔腥, 但魚頭始終唔多識欣賞; 燒鵪鶉蛋其實又係冇咩特別, 純粹想食所以先叫; 燒肥牛露筍就幾有心思, 因為係將薄薄的肥牛包裹著露筍, 由於不能吃露筍, 所以唯有解開, 牛肉就幾鬆較, 可惜冇牛味, 一般!
至於涼伴海蜇皮入口微辣, 海蜇皮爽口, 感覺不錯, 但如果兩款涼菜, 還是泰式鳳爪吸引; 燒白鱔就唔多掂, 皆因肉身有碎骨, 而且入口較腥, 唯一可取係鱔嘅外層燒得較脆, 挽回少少分數; 至於燒蒙古特級羊架就冇試到, 所以唔太清楚; 最後係燒菠蘿, 菠蘿勁香勁甜勁多汁, 當食左咁多燒物後, 再整番件菠蘿確係不錯, 呢個燒菠蘿絕對值得一試!
總括黎講食物質素同水準都算不俗, 而地方唔算大, 店內最多坐到十五至十六人,不過環境都舒服, 如能改善抽風相信會更好, 服務亦殷勤有禮, 價錢亦算合理, 埋單每人都係百五蚊到, 都抵食架! 吹雞揸莊, 總算一嘗心願, 而肥鄧, 串爆同大聲都十分滿意, 總算冇失禮, 所以笑臉係值得一比, 有機會一定會再黎! 黑食會之燒一燒總算完滿結束, 不過原來好戲還在後頭!
张贴
