The Jeju Black

中環新開咗間「黑色火山洞」主題濟州燒肉店，一推門真係好似瞬間飛咗去韓國！成間店以暗黑火山洞設計配暖黃燈光，牆身仲有火山岩紋理，未食已經勁有氣氛，每個角落都係打卡位📸

最特別係塊斜斜地嘅火山石烤盤，燒肉時啲多餘油脂會自然流走，食落香口得嚟又唔會太膩。必點牛肋骨肉，雪花靚到好似藝術品，燒完點少少粉紅岩鹽，一咬落去肉汁爆發！牛板腱就肉味濃啲，五成熟食超正。

全部食材濟州直送，黑毛豬仲要經過168小時低溫熟成，食落特別軟淋。海膽醬油蟹係驚喜之作，蟹肉鮮甜加上海膽嘅creamy口感，邪惡但真係停唔到口！ 石板魷魚炒飯：飯焦脆卜卜，魷魚彈牙。辣味炸醬拉麵：辣得嚟好過癮😋

中環限定甜品
記得留肚食烤糯米糕，店員會即場剪開，拉絲效果超誇張！外脆內糯配黃豆粉，甜度剛剛好