西麵 (已結業)

猶如黑社會係炸魷魚鬚配墨魚汁意粉，魷魚鬚有三大條，意粉分量好夠。魷魚鬚炸得啱啱好，好爽脆，扁意粉都煮得軟硬適中，墨魚汁好香，雖然唔會太鹹太厚，但因為要有掛汁效果所以都比較杰身，所以除咗配搭幾片蘿蔔仔外，仲跟埋一片切成小塊嘅檸檬，唔使落手就可以擠出檸檬汁，混合可以提味同解膩，再加埋蟹籽同沙律菜喺面，對於消解意粉汁嘅滯脹感嚟講，真係出盡法寶部份餐點有免費配飲品，黑社會配熱洋甘菊茶都唔需要+$，其實都係一般餐廳常見同款茶包，但用呢個杯真係喜出望外，因為茶包都係一次性，杯越大就越發揮到極致。餐廳出品性價比極高，只是店面小，時間上都要有心理準備