秋香 (黃金海岸商場) (已結業)

今日同男朋友入咗黃金海岸staycation，晏晝就睇吓附近商場有咩好嘢食可以慶祝一下假期，我哋今次就搵咗一間食日本餐嘅餐廳，我哋就叫咗一個二人餐，就$768。呢一個晚餐，兩人前都非常之豐富，佢分別有兩人分嘅漬物，刺身、炸物、燒物，仲有一個煲仔飯，最後仲有兩個甜品！佢嘅刺身就有帶子三文魚，佢哋都非常之鮮甜肥美！個白鱔煲仔飯，亦都非常之香，白鱔煮得好爽口！我哋仲加咗一個羊架，呢個羊架燒得好味，好夠味又夠juicy！我哋叫依個二人餐，仲有餸鮑魚添，佢嘅鮑魚亦都非常之惹味，佢嘅醬汁非常適合一齊食！