檸濛濛手打檸檬茶

喺內地飲過有黃皮嘅飲品覺得好正，今日經過呢間飲品店又見到佢有黃皮，加上天氣好鬼熱，所以忍唔住要買嚟試下消吓暑。

我問店長有乜嘢有黃皮嘅飲品推介，佢就建議我試下黃皮金蛋檸檬茶，同埋荔枝黃皮特飲，我問佢跟彈其實係啲乜嘢，佢話原來就係一啲優質嘅黃皮嗰個勁啲嘅名咁解，原先想走冰，但係原來只可以少冰。呢杯黃皮金蛋入面真係好多黃皮，佢係連皮盅爛然後要嚟沖嘢飲嘅，啲黃皮一啲都唔酸喎。

至於呢杯荔枝黃皮特飲就選擇走甜，佢本身嗰啲荔枝蒟蒻都有少少甜味，所以店長都提咗我呢杯嘢就算走甜都係會有少少甜味嘅。兩杯都幾好飲，啱曬熱辣辣嘅夏天。