影片
更多
2007-09-02
100 浏览
約一班舊同事食飯, 目標喺黃油蟹, 反正有3架車, 於是一行13人就諗住玩遠啲, 踩入流浮山, 有人介紹入面海景海鮮酒家(元朗流浮山正大街56號地下), 點知就領嘢嘞, 食物質素差唔在講, 最大鑊係服務都差個吓先攞你命。先講食物(按次序出餸) :豉油王大蝦-- 叫咗斤半, 碟餸大約一斤多啲啦, 正常, 味道OK, 唔太咸, 蝦唔算大隻, 但都算幾新鮮。豉椒炒蟶子-- 肉少殼多, 味道一般, 冇嘢講。海鮮豆腐湯-- 送的, 其實係豆腐魚湯, 味淡。西芹班頭腩-- 正常味道, 份量唔多。黃油蟹-- 冇黃油, 一滴都冇嗰隻, 多膏, 全結實, 似食膏蟹, 但味唔鮮, 肉味反而OK, 大家一路食一路唔出聲, 賣緊$420一隻喎, 最期待的通常都最失望又一例。炆班頭腩-- 啲炸粉幾好……酥炸蠔-- 蠔冇蠔味, 質感乾, 都係炸粉好味……油鹽水蜆-- 幾夠味, 蜆味鮮。西生菜-- 正常嘢。加埋15支汽水, 2支啤酒, 埋單4千幾, 每人盛惠$350, 貴都算(黃油蟹每人半隻!!), 啲服務先至恐怖:落單收餸嗰陣, 阿姐極力推介大班兩味, 有朋友對魚麻麻地, 爭論之際, 阿姐講咗句: ｢拗咩吖, 就
先講食物(按次序出餸) :
豉油王大蝦-- 叫咗斤半, 碟餸大約一斤多啲啦, 正常, 味道OK, 唔太咸, 蝦唔算大隻, 但都算幾新鮮。
豉椒炒蟶子-- 肉少殼多, 味道一般, 冇嘢講。
海鮮豆腐湯-- 送的, 其實係豆腐魚湯, 味淡。
西芹班頭腩-- 正常味道, 份量唔多。
黃油蟹-- 冇黃油, 一滴都冇嗰隻, 多膏, 全結實, 似食膏蟹, 但味唔鮮, 肉味反而OK, 大家一路食一路唔出聲, 賣緊$420一隻喎, 最期待的通常都最失望又一例。
炆班頭腩-- 啲炸粉幾好……
酥炸蠔-- 蠔冇蠔味, 質感乾, 都係炸粉好味……
油鹽水蜆-- 幾夠味, 蜆味鮮。
西生菜-- 正常嘢。
加埋15支汽水, 2支啤酒, 埋單4千幾, 每人盛惠$350, 貴都算(黃油蟹每人半隻!!), 啲服務先至恐怖:
落單收餸嗰陣, 阿姐極力推介大班兩味, 有朋友對魚麻麻地, 爭論之際, 阿姐講咗句: ｢拗咩吖, 就咁啦!｣然後走咗……(我承認我哋有權唔要碟魚, 但都唔係咁呀??)
冇人換茶水, 攞食具, 大排檔都有伙記啦……
我哋响間房入面食, 除咗嚟食物就唔會有人理, 食到中間想叫汽水, 周圍搵阿姐, 好嘞, 搵到啦, 個阿姐竟然咁樣講(落單同一個阿姐) : ｢你哋唔好成日叫我啦, 我好忙嫁, 我出面仲有好多客嫁! 等陣啦!｣ 嘩! 阿姐, 俾生意你做咋喎, 使唔使咁講嘢呀?? 同落單完全兩副咀臉, 死未。
埋單我朋友講咗句(都係同一個阿姐) : ｢啲蟹麻麻咋喎, 冇黃油喎!!｣ 佢答: ｢冇油?? 係咁嫁喎! 而家係食膏o既黃油蟹嫁嘛, 都好食嫁!｣ 阿姐咁都得呀?妳又知我鐘意食結實o既膏?? 咁不如食膏蟹啦, 食緊$420隻嫁。
建議大家幾樣嘢, 價錢係其中之一, 我見過介紹呢間嘢啲食評同報導, 十两黃油蟹賣$350, $380都見過, 實際我哋食$420, 真係幾｢海鮮價｣。
张贴