來一燙冒菜麻辣燙 (已結業)

今日同朋友出左尖沙咀行山，突然間想食辣野。記得之前有朋友講過尖沙咀有冒菜，麻味同辣味都夠，就上網搵地址，去到門口唔係好多人，所以唔洗等位就入左去坐。過多陣見到愈來愈多人入來，好彩早少少到，唔洗等位。今次叫左個四餸套餐，分別係腩片，水魷魚，牛栢頁，手打牛九，再加支豆漿，個湯好好味，又唔會得個死辣，而且仲麻味十足。牛栢頁亦都淥得岩岩好，唔會縮哂而且仲有咬口，不過手打牛丸同水魷魚就一般般，正正常常咁，食完辣野嘆返支豆漿，過了個飽飽的一餐。