麻辣風雲 (京都廣場) (已結業)

3人去完工展会，天气冻，想食滚热辣嘅野暖下身，天时地利人和之下仲唔系时候去转麻辣风云，由ToNick恒仔开的川菜店，有唔少分店咁啱铜记有一间，想去好耐终于可一试。装潢带点中式，位子阔落坐得几舒服，7点去到时间尚早唔算好多人，之后就越来越多人最好BOOK定位先。餐牌，食物选择都几多，但第一次帮衬，必试下招牌的酸菜鱼，酸辣麻口味有得拣，适合我呢类怕辣但又想食辣的嘅人。用手机落单，都几方便。前菜，每碟$9。炸馒头，$58，草船借箭，甚有霸气，船边仲有喷烟效果实在太有气势了!炸馒头口感外薄脆内软熟，果然好味。酸菜鱼，$268，要了中酸、小辣、小麻，酸菜鱼相当足料，鲈鱼肉份量十足，口感爽脆嫩滑，汤底味道酸咸味平均小小辣，开胃又暖身，内有薯粉口感烟韧入味。黑糖脆炸糍粑，$58，甜品，糍粑口感软糯，味道香甜。菊花蜜，$48，好大樽份量多，陶瓷酒壶及酒碗甚有特色，有古代把酒谈欢之感，菊花蜜清润。龙凤柠乐，$28，友人的。食物好味，价格合理，坐得几舒服，下次有机试下其他菜式。