麻辣妹 (已結業)

黎到旺角，有五花八门既餐厅，基本上你想食咩都得！今日同老公去睇装修d野又黎到呢个好多人既旺角，都唔谂食咩啦，见野岩就食啦！今次食呢间新开既小店，之前行过好多都唔多觉。我拣左食猪骨浓汤，因为唔系好食得辣，汤内本身已经有啲配料，芽菜、酸菜等，配上红薯粉，𩠌我就拣左猪腩片、鱼皮饺、鱼腐、芝士肠同响铃，每款都系加$8，$9咋！碗粉一黎呈奶白色，好大碗，汤有啲似平时拉面feel，饮两啖个汤，几浓。红薯粉都几重而且好滑，佢呢度啲猪腩片好薄，肥肉唔算好多，但系好爽，又唔油。跟住介绍下d小食，忍唔住叫左三款，每样都唔系好大碟，所以绝对食得落！三款小食都有青瓜丝衬底，如果觉得辣不妨连埋青瓜丝一齐食，减轻个辣。蒜泥白肉唔错，每片肉细细片又切得薄。口水鸡d鸡唔会太硬、冰冰冻冻咁。我最想介绍既就系「黄金皮蛋」，超好味，皮蛋晶莹剔透，食起黎软林林，而且好衬𠴱种麻辣味，三款小食中最正就系呢款啦！小店好多学生哥画帮衬，可能因为价钱够亲民，要多d帮衬啦！