麻市滋味館 (已結業)

麻甩飯聚，相約在麻市滋味館。食店的模式就是簡單的海鮮、小菜、酒水。賣的是味道、人情、氣氛。主餐牌上的食物豐儉由人。特別的是海鮮孖寶十分化算，更特別的是買一送二的大啤，當然要一試啦！孖寶揀左扇貝配魚。扇貝好大隻，成隻手掌甘大，粉絲又多，十分抵食。另外點左蟶子重，重點同樣是大，入口啖啖肉，好精彩。估唔到呢度有砵酒焗蠔，因為製作工序多而繁複，已經唔係好多地方有得食。炸粉薄、蠔肉厚，口感好好。味道都做得唔錯。乳鴿都係鎮店之寶，外皮脆、肉嫩滑，肉汁全被鎖住。其他的小菜都唔錯。食飽飽估唔到仲有驚喜，係好大的驚喜。店主話有甜品送，呢類型的餐廳，一般係送紅豆沙、湯圓吧？完全無想像過，甜品竟是炸香蕉！心思、誠意，在小小的甜品上呈現哂。炸香蕉一d都唔馬虎，皮薄又脆，甜絲絲，好好食。無諗到店主對飯後甜品都會甘重視，可見佢真心重視每一位食客。呢一份重視，令我地都帶住滿滿的幸福感歸家。