亂炒一通 (已結業)

香港最特式的就係小炒，而小炒最緊要就係要有鑊氣。今次朋友帶我嚟葵涌光輝圍呢間小店，真心好有港色風味揸車嘅朋友非常方便，只需要泊好車係門口就得啦。其實就算坐地鐵都唔係行好遠。最重要係呢間餐廳的價錢都唔貴，可以話係正宗港式小炒價！小炒特色就是夠晒港式風味，通常都係周圍貼滿相、價錢，同手寫晒所有餸名。而呢間港式小炒都一樣。所以睇牆就已經好吸引啦先來一份小炒必食的炸蠔餅！非常大份而且都好足料，基本上每一啖都有蠔仔係入面嫁。而且炸得好香口，味道唔會太咸令到食完好口乾，反而比想像中唔算太油。真心正！真係大份過隻碟呀，兩個人食一定夠晒！第二個必食小炒就係黃金蝦球。黃金蝦球的面是咸蛋炒，所以非常香口，而大蝦亦非常大隻，非常適合拌飯喔！蝦身啖啖肉，非常鮮味，即使用上咸蛋炒都一樣香口。