萃華飯堂

营业中

休息中

上昼食完个通粉之后开左成朝会，开完得返半个钟头食饭时间，就拿拿临拎银包走人。碍于得返半个钟，所以就去左较近既茶餐厅 - 萃华 - 无错。早餐食完午餐又黎都真系几闷架，不过无计喇，赶时间嘛，而依间茶餐厅又出名快，所以就黎喇！去到其实已经全场满座，好彩小妹系一个人所以好快可以揾到搭枱既位置。坐低后，二话不说拣左两𩠌饭，一黎今日唔想食咁多，二黎两𩠌饭有菜嘛。（再次提及：依到既烧味同煲仔饭真系唔错！咁啱经过可以试下呀）例汤系自己去装既（任装），但因为得小妹一个，唔去装噜，因为无人睇住自己野嘛。好快两𩠌饭就黎到，蒜炒白菜仔同家乡猪腩肉。白菜仔唔知系咪煮左好耐，已经放凉左噜，不过胜在唔算太油，可接受既。而猪腩肉呢？唔算肥，而且好入味仲好林添！食食下好快就清左噜（嘻嘻，有Ｄ嫌少添）。食饱，又返上去继续努力噜！